Tsawra hkungga ai Wunpawng buga hte mungkan mungdan shara shagu hta shanu nga ai Wunpawng amyu sha ni hpang de “Kachin Review” (www.kachinreview.com ) website ning nan hpe May 5, 2010 shani kawn n’na hpaw ninghtan dat sai lam ndau shana dat ga ai.
Yaw Shada Ai Lam:
Kachin Review a yaw shada ai lam gaw, W.P wuhpung wuhpawng kata, buga kata byin nga ai masa lam ni hpe mungkan hpaji ningmu hku nna dinglik yu ai laika ngau ni hpe mara mat wa na matu re. Freedom of Expression hpe jai lang let, Wunpawng amyu sha lam yan hta, maga mi hku n’na, shang tsap ap nawng lu na, yaw shada ga ai.
Amying Shingteng:
Kachin Review ngu, amying shingteng shamying ai gaw, galai shai nga ai mungkan prat masa hta, English ga hku "Review" ngu ai hte maren, Wunpawng amyusha ni hte seng ai mung mungsa, sutmasa, nga pra lam masa, amyu sha mai kaja lam bawng ring lam ni hpe, laili laika hte htai lai sawk sagawn mahtai tam ai lam galaw lu na, yaw shada let, shamying ai re.
Kachin Review Hpe Galaw Ai Ni:
Kachin Review a editor hpung malawm ni, laika ka ai writers ni gaw mungkan shara shagu na dakkasu jawng hkan e hpaji hka ja nga ai Wunpawng jawngma ni rai nga ma ai. Kachin Review hpe wuhpung wuphpawng langai kaw na mung garum gahtau ai lam n'nga ai sha, Amyu sha lam yan hta myitrum ai ni hku n'na, dangdi ai made ja gumhpraw hte, wang lu wang lang, hpaw ning htan tawn ai re.
Anhte A Myit Mada Lam:
Kachin Review hku nna, myit mada ai gaw, madu hkaja kung kyang ai amu hpe sha madung dat nna galaw ai lai len (professionalism) hpe n’gun jaw mat wa na matu re. Dai majaw Kachin Review gaw, madu hkaja kung kyang ai subject hte la kap ai mabyin masa ni hpe dinglik yu let ka da ai laika ngau ni hpe madung dat ai website rai nga ai
Freedom of expression, freedom of thought, hte freedom of press ni gaw, Amyusha langai galu kaba na lam hta, ahkyak la nga ai hte maren, ndai zawn re ahkaw ahkang hpe, jai lang akyu jashawn hkap la chye ai Amyu tai wa lu na matu, Kachin Reviw gaw n’gun jaw, shaman, jai lang mat wa na matu mung re. Ndai yaw shada lam ni awng dang lu na matu mung Kachin Review hpe hti ai shawa masha kaji kaba yawng a shang lawm n’gun jaw ai lam gaw grai ahkyek nga ai.
Shiga Hpe Mung Shakut Hpang Sai:
Kachin Review gaw tinang lagaw tinang tsep let, Amyu sha lam yan hta miman n’lata ai sha, Amyu a matu mai kaj na shiga ni hpe mung October praw kawn shakut mat wa na saga ai.
Ga Saw Ai Lam
Anhte gaw grai tai ai ni n’rai. Ya she ning nan hpang ga ai re majaw, ra rawng ai lam ni hta, jawm hpaji jaw la na matu mung akroi anoi hpyi shawn dat ga ai. Chyeju kaba sai!
Hkungga let,
Kachin Review Hpung
Email:
This e-mail address is being protected from spambots. You need JavaScript enabled to view it