Kachinreview

Dai ni na Mungkan hta e Mung Masa hpe jahta ai shaloi moi na zawn rai nna, tinang amyu a lam, tinang mungdan a lam, tinang htunghking a lam, tinang a makam masham a lam, ni hpe hkrai tsun shaja nna ga law hkat ai baw prat n rai sai hpe mu lu nga ai. Ndai prat laru hta masha law malawng tsun wa ai gaw Sut Masa (Economic) rai nga ai. Mung Masa ningbaw ningla hpe lata ai shaloi mung kadai wa gaw tinang amyu hpe sinat hte makawp maga ya lu na re ngu ai hta, kadai wa gaw sut su hkra galaw ya lu na wa re, ngu ai hpe she jawm lata wa masai.

Ka Ai: Bum Sin Wa

Post-modern ngu ai hpa wa rai ta? Sinna ga e 'ndai prat' hpe shagawp tsun yang, 'Post-modern' ngu ai ga hte tsun lang nga sai. Raitim, ndai lam hpe tsun na nga yang, Post-moderns; Post-modernization; Post-modernism; Post-modernity ngu ai hpe ginhka nna mu chye ra na re. Post-modern sha tsun yang gaw adjective hku sha mai tsun nga ai.

Ka Ai: Dr Kha Lum

Fruits and Personalities ngu ai laika hta namsi amyu 12 sha ai masha ni a myit masa hpe ka da ai.  Ga shadawn-Nang gaw Orange: Lwidwi si(makchyawk si) sha ra ai wa rai yang myit galu na(patience), myit n-gun will power ja na,lama ma galaw yang gau ngwi galaw mayu na, rai tim tinang galaw ai hte hkum hkum tsup tsup atsawm galaw chye na, bungli yak ai majaw n-gun n shayaw na, myit n daw loi na,nang kaya ai zawn rai tim kam hpa mai ai masha rai nna kam ging ai jinghku mung rai nga ai.

Ka Ai: Dr Kha Lum

Moi shawng de hpaji n chye ai Jinghpaw bum num langai mi hte Jinghpaw la langai mi mayaw dinghku e ma ai da.  Madu jan gaw akyu n chye hpyi ai majaw, shat sha tim, shana yup ra shang tim madu wa sha akyu woi hpyi hpyi re ai da.  Kalang mi na madu wa hkrum lam galu hkawm mat wa yang madu jan sha nta sin nga ta sai da.  Shana  yup ten du yang akyu n hpyi nna shi hkrai yup hkrit sai da.  Htingbu kadai mung n lu saw ai majaw madu wa htet da ai hte maren akyu hpyi nna yup yang hpa n ra na re ngu nna myit lu sai da.  Rai tim Karai Kasang hpe kaning ngu shaga na n chye ai majaw, nye madu wa "Wa Karai Kasang e,  nga nna hpyi hpyi re ai, ngai hku nna gaw Kagu she daw na re," ngu myit sawn shachyaw la nhtawm,"Agu Karai Kasang e..." ngu akyu hpyi ai da.

Mungkan ga ntsa e ya yang shaga nga ai ga amyu 12,000 jan nga ai kaw na amyu 2,000 daram gaw laika lu la sai rai nga ai. Ndai laika lu la sai amyu 2,000 gaw mungkan masha yawng a 98% daram rai nga ai.  Ngam ai laika garai n lu ai amyu 4,000 daram gaw mungkan masha yawng a 2% daram sha rai nga ai.  Dai hta na nkau mi gaw tinang a ga hpe ma ni n chye shaga mat sai.  Gumgai dingla nkau mi sha chye shaga mat sai majaw si mat wa magang ai amyu ga(dying language) ngu shamying ma ai.

 

Ka Ai: Dr Kha Lum

Anhte Jinghpaw Wunpawg sha ni hpe hpu nau Sam (Tai Yai) amyu masha ni gaw Hkang ngu nna shamying ma ai.  Lachyum gaw karing karang bum masha ni ngu ai rai nga ai. Miwa ni gaw Shan Htuk ngu shamying ma ai.  Dai mung grai kaja ai lachyum n rai.  Masha chyazai ni gu ai sha rai nga ai.  Hpu nau Myen (Bamah) amyu masha ni gaw Ka-Chin ngu shamying ma ai.  Nkau mi lachyum hpyan ai gaw grai ka mayu sharawng ai amyu ni, manau htawng ka hte ka manawt ai lam  hpe grai kut ai amyu ni ngu ai lachyum pru ai.

Ka Ai: Dr Kha Lum

Sinna mung na masha ni shada hkrum yang du hkra ladaw gara hku rai nga ai hpe san nna "How do you like the weather?" ngu shachyen shaga ma ai. miwa amyu masha ni hkrum hkat yang hpaga yum ga lam hkrak nga a ni?nga nna shaga jahta chye ma ai.  Myen amyu masha ni manang shada hkrum hkat yang,"Shat sha ngut sani? Hpa baw shat mai sha myit ni?" nga nna san hkat ma ai.