YESU TENG SHA HKRUNG RAWT SAI KUN ngu ai hpe, Jews ni gaw Yesu hkrung rawt ai lam hkap la ra ma ai. Dai nrai yang, kaga hku Yesu a lam shaleng dan lu ra ai. Hkrung rawt sai ngu ai hpe ningdang na lam gin jang kaga nnga ai. Lama nga dam tim tara hte nhtan shai wa na lam nga nga malu ai. Kabu Gara Shiga Laika ni hta, hkrung rawt ai lam hpe dan dan leng leng ntsun jahtum da ma ai. Ahkyak ai daw nkau mi hkan bung pre ai lam nga tim, hkrung rawt ai lam tsun shaleng ai hta ningra mat mat sha arai nga ai hpe dum na ga ai. Shara nkau mi hkan myit htum na daram shai hkat ai mabyin ni mung lawm nga ai majaw, Yesu hkrung rawt sai ngu ai lam hpe Jews amyu nre ai ni a matu hkam la na loi yak wa nga ai. Hpung kata hta ndai zawn re ai mabyin ni sawk dan lu na mung yak lai wa yu sai. Tsun dang rang na matu ahkang jaw ai nrai. Yesu a lam hpe dinglik yu na mung chyum sara ninghkring ni sha myit mai ai zawn byin nga ai. Kam sham ai hpung masha langai mi hku nna tsun dang rang na yak nga ai.
Yesu Teng Sha Hkrung Rawt Sai Kun
Jinghpaw Wunpawng Sha Ni hte Israela
(Kachins and Israeli)
21 April 2011
Dr KhaLum
Isarela: BC 400 daram kaw na shaning 2300 jan mungdan shamat kau ai hpang, 1948 ning hta ya na Israela mungdan nnan hpe Israela asuya nnan Gumsan magam(President) Weizmann hte Hkring mang daju(Prime Minister) Ben Gurion up sai.
JW Sha Ni: 1948 ning January 4 ya hta Britisha asuya kaw na Myen hte shanglawt rau jawm la ai hpang, January 10 ya hpe Jinghpaw Mungdaw Nhtoi ngu masat ya masai.
Kachin gaw Jinghpaw ni rai ni?
Wunpawng amyu sha ni (shing nrai) Jinghpaw amyu ni hpe Kachin ngu nna chye na wa ai lam hpe gawn yu ra wa sai. Sasana sara Tegenfeldt tsun ai gaw, Kachin ngu ai ga hpe maigan amyu ni tsun shamying ai re nga ai. Hpu nau Myen amyu ni gaw Kachin ngu ai hpe grai ka mayu ai amyu ni re majaw 'က ခ်င္' ngu ai re nga nna Ma Khin Mya a The Impact of Traditional Culture and Environmental Forces on Development of Kachins ngu ai Ph.D Dissertation, 1961 Maryland Dakkasu kaw ka da wu ai. Ndai hpe Dr. Kha Lum mung Kachin Review kaw 'ka mayu ai amyu' ngu bai htawng madun da wu ai sha n ga, Duwa Maran Zau Awng a article 'Kachin ngu ai gara kaw nna byin pru wa ai kun? nang chye nni' ngu ai ga baw hte mying nchye ai English du wa shamying ai re nga nna Kachinnews kaw mu lu ai. Rev. Dr. La Ting a D.Mis Thesis (1996) hta mung, dai hte maren 'Ka mayu ai amyu' ngu nna ka da wu ai.
Hkrit Hpa Galang Gyi Ana
Ka ai: Slg Naw HkamMarch 1, 2011
Moi laisai ten hta kalang mi Jinghpaw WP Amyusha ni 50 ning laman mat sa na re nga nna masha ni tsun garu wa ma sai. Dai gaw Galang Gyi Ana a majaw rai nga ai. Jinghpaw hku gaw Galang Gyi Ana English hku gaw HIV/AIDS ana ngu ai n dai ana wa dai ten hta kadai mung HIV/AIDS ana re ngu n lu tsun shapraw shi ma ai. Raitim n dai ana wa Jinghpaw WP Amyusha mahkawn shabrang ni kaw kap taw nga sai. Hpamajaw?
Ban Mai Samahkyi (Thailand) Manau Poi Nam Chyim
Ka Ai: Sumru26-27 November 2010Thai mungdan a dingdung maga Chiang Mai mare kaba hte nau ntsan ai Chiang Dao ginwang Ban Mai Samahkyi ngu ai shara hta anthe Jinghpaw katawng langai mi nga ai. Dai Jinghpaw kahtawng gaw Myen mung lamu ga jarit, Tachyilik hte nau ntsan ai shara rai nna de a makau grup yin hkan gaw Ahka, Lahu, Lawa, amyu kaji ni hte rau rai, jawm galaw lu galaw sha let Miwa kahtawng langai mi hte mung htingbu yep sha rai jawm nga nga ma ai.
Mungkan Hpe Gale Kau Ai Laika
Mungkan hta makam masham kaba yawng Asia mung kaw na paw pru wa ma ai. Hkristan makam masham gaw AD 30 daram ten Palestine mung e Yesu Hkristu kaw na hpang wa ai rai nga ai. Islam makam masham gaw AD 500 daram hta Arabia e Mohammed kaw na hpang wa sai rai nga ai. Buddha makam masham gaw BD 500 daram India mung dingdung daw Himalaya bum mayan mungdan e Gawtama Buddha wa kaw na hpang wa sai rai nga ai. Shinto makam masham gaw Japan mung e paw pru wa nna Japan masha ni hkan sa ai makam masham rai nga ai.
A Lu Ai Shangai Nhtoi
Hkristmas Shakram Mungga
Rev. Hkalen Tu Hkawng
December 1, 2010
“Dai majaw lamu kasa gaw, hkum hkrit myit; yu mu, masha nlang a matu nachying kabu gara mai ai shi ga, ngai nanhte kaw gun sa ring ngai; dai ni na nhtoi hta Hkye Hkrang la ai wa Hkristu ngu ai Madu gaw, Dawi a mare e nanhte a matu shangai wa sai:”
Waimaw Chyum Jawng (10) Ning hpring Chyeju Shakawn
Ka ai: Lahpyaw Hawng Hkawng
Waimaw Chyum Jawng (Waimaw Theological Seminary) 10 ning hpring chyeju shakawn lamang hpe October (25), 2010 ya shani, Mukchyik lawk, Namwa Mare, Waimaw Ginwang e galaw lai wa sai. Chyeju shakawn Nawku Hpawng lamang hpe jahpawt daw 11:00 am kaw nna shana de daw hkying 1:00 pm du hkra rai nna, du sa ai shawa masha yawng 150 daram rai nga ai. KBC magam gun ni hte rau, Myitkyina, Htingnai, Sama Ginwang kaw nna kasa ni sa du shang lawm ma ai.
Ring Chyoi Yu Saga Ai
Sinna mung na shan hpraw ni anhte Jinghpaw Wunpawng sha ni hte shawng nnan sa hkrum ai shaloi, nanhte kanang na rai myit ni? ngu san yang anhte a ji woi ji wa ni gaw, Majoi Shing-ra bum kaw na yu hkrat wa ai rai ga ai, ngu nna htan ma ai da. Rai yang dai Majoi Shing-ra gaw kanang ta? ngu bai san yang Wo de ngu nna hka hku maga de layung madun ma ai da. Rai yang Shan hpraw ni nnan sa mu ai ten kaw nna nan Jinghpaw Wunpawng sha ni gaw bu hpun palawng n hpun ai n nga ai hpe mu ma ai da. Dai hta n-ga Jinghpaw num ni,madangh tsaw ai ri da maka hte gumhpraw soi palawng ni, gumhpraw lahkawn ni, hkachyi ni hpe lang ai mung mu mada ma ai da.
Page 1 of 2
