Kachinreview

American mungdan mying kaba ai dakkasu jawng langai a football coach hte jawng up hpe hkumshan roi rip ai lam mabyin hta, tang du hkra, ahkyek la hparan ai lam, n'galaw ai majaw, ningbaw shara bungli kawn jahkring kau ai lam, shiga na lu ai.

Ndai zawn bungli jahkring hkrum ai yan gaw Pennsylvania State University (Penn State) football coach Joe Paterno and ndai dakasu a jawngup (president) Graham Spanier rai nga ai.

Mr. Paterno hte Mr Spanier kawn mara tatut tawt lai ai n’rai tim, shan lahkawng kawn, bungli jetsam tawn ai ningtau coach (Assistant Coach) Mr. Jerry Sandusky gaw, ginsup lamang hta shanglawm ai ginsup ninghkring ramma shayi shadang sha ni hpe, hkumshan kanawn roi rip ai lam, shiga brawng pru ai hta, akyak la na matu, tang madun ai lam ni nga tim, hkrang shapraw ahkyek la ai lam n’nga ai sha, "chye nga ninglen yu shalai ai mara” a majaw re lam chye lu ai.

Al Jeezara shigadap kawn san htai galaw ai hta, Dakasu jawng board a ningtau ningbaw Mr. John Surma kawn, “Ndai gaw dakkasu jawng a matu mai kaja lam hte, jawng hta manghkang ni pru wa yang, hparan chye ai ningbaw ningla ni hpe shara galai ya lu na matu re” nga tsun ai.

Mr. Sandusky hpe gaw ya yang e tara rung hta laiwa sai 1994 kawn 2008 lapran ramma marai 8 hpe roi rip ai ngu ai mara hte jep joi hkrum nga ai rai nga ai. Mabyin langai mi hta gaw, Mr. Sandusky kawn, sak 10 ning re ramma la kasha langai hpe, roi rip taw ai hpe, magam gun langai, myi hte chyaw mu ai ngu, tara rung de shawk tawn da nga ai. Mr. Sandusky kawn gaw ndai lam ni hte seng n'na, n'ngalaw ai, mara nlu ai nga n'na, ning dang tawn ai lam chye lu ai.

Hte maren, Mr. Sandusky ndai zawn roi rip ai lam hpe mu chye na lawm tim, dakasu jawng a uphkang rung de, n’tang madun, n’shana ai, laga rung magam gun marai 2 hpe mung, tara upadi hte, ahkyek la mat wa na re lam, shiga na lu ai.

Ndai shiga hpe English hku hti mayu yang ndai link kaw hti la ga; http://english.aljazeera.net/sport/2011/11/2011111035011123759.html