Kachinreview

Wunpawng Mungdan Shanglawt Hpyen dap (KIA) ginjaw rung gaw, Myen hpyen Asuya kawn October (15) ya shani shapraw ai Shi laika (Myanmar Ah Lin hte Kyay Mone) e ndau tawn ai KIA hkam ai bawm a majaw masha hkala hkrum ai shiga hte seng nna, dai ni October 17 ya shani, Mung shawa hpe ndau laika shapraw wa sai re.

Myen hpyen asuya hte Wunpawng Mungdan Shanglawt Hpung (KIO/A) simsa lam la tawn ai shaning (16) ning na ai hpang Myen gaw Jinghpaw Mungdaw, Mu Gaung mare e byin ai lam hte seng nna, KIA hpe “Taung-Kyan-Tu” ngu mying lang let mungdan shi laika hta tara shang ndau wa sai re.

Dai ni bat manga ya (October 15) shani shapraw ai Myen hpyen asuya a shi laika “Myanmar Ahlin hte Kyay Mone Shi Laika” e KIA hpe “Taung Kyan Tu” nga ga si lang da ai hpe mu lu ai re.

Myen hpyen asuya a Kyant-Hput Pati (USDP) kawn hpaji jaw madi shadaw ai hte Ra Lata poi shang na rai nga ai Jinghpaw mungdaw Myit-rum Democracy Pati (UDPKS) gaw, Nmawk ginwang, Loije mare na Win Hkam Kahtawng e Ra lata poi a matu zin lum lam hpe mana (October 14) shana e galaw wa sai lam chye lu ai.

Myen hpyen asuya gaw du na November (7) ya e galaw na, Ra lata poi a matu hkyen lajang zinlum ai lamang ni hpe ladat amyu myu hte galaw nga ai re.

Dai hta Myen hpyen asuya Pyi-Htawng-Su Chyant-Hkai-Ye Ne Hpwint-Hpyu-Ye Pati (USDP) a Jinghpaw mungdaw lit hkam mung rai, Matut Mahkai Dap hkringmang mung re ai, Du Up Daju Thein Zaw gaw, Ra lata poi zinlum lam ni hpe, Laiwa sai bat laman e Myitkyina mare hta galaw wa sai lam chye lu ai.

Myen hpyen asuya galaw na Ra lata poi grai ni wa sai rai tim, Jinghpaw mungdaw kata jawng ma hte ramma malawng gaw Ra lata poi lam hte seng nna, myit shang sha ai lam nau nnga ai lam dakkasu jawng ma ni tsun ai.

Ka Ai: Naw Lawt

Maigan Mungdan shara shagu e, hpaji sharin hka ja nga ai Jinghpaw Wunpawng amyu sha law law nga ai hta, mungkan madang hku masat ya let shi a sawk sagawn da ai lam ni hpe mungkan de du hkra tang madun lu ai lam ni gaw Jinghpaw Wunpawng amyu sha ni hta  nga wa sai re.