Sinna mung na shan hpraw ni anhte Jinghpaw Wunpawng sha ni hte shawng nnan sa hkrum ai shaloi, nanhte kanang na rai myit ni? ngu san yang anhte a ji woi ji wa ni gaw, Majoi Shing-ra bum kaw na yu hkrat wa ai rai ga ai, ngu nna htan ma ai da.  Rai yang dai Majoi Shing-ra gaw kanang ta? ngu bai san yang Wo de ngu nna hka hku maga de layung madun ma ai da.  Rai yang Shan hpraw ni nnan sa mu ai ten kaw nna nan Jinghpaw Wunpawng sha ni gaw bu hpun palawng n hpun ai n nga ai hpe mu ma ai da.  Dai hta n-ga Jinghpaw num ni,madangh tsaw ai ri da maka hte gumhpraw soi palawng ni, gumhpraw lahkawn ni, hkachyi ni hpe lang ai mung mu mada ma ai da.